NJOAMMUN:

Juohke áidna čavčča ihttá dihkki skuvllain. Divri njoammu nuppi olbmás nubbái, mánáid stoahkanmálliid mielde. Mánát leat dávjá nu ahte luoikkahallet gahpiriid ja liinniid gaskaneaset, ja de lea álki ahte dihkki manná nuppis nubbái. Skuvllas heaŋgájit biktasat hui lahkkálaga feaskáris, ja de sáhttá dihkki vánddardit biktasiid mielde. Dihkki eallá olbmo oaivvis go monne ja njammá vara. Oaivvi olggobealde dat jápmá oalle fargga.

RUOHKKAN LEA DOVDOMEARKAN:

Buohkat geain leat mánát skuvllas, berrejit iskat oaiveasi, erenoamážit jus mánát ollu ruhkket oaivvi. Iská váhku 10 ja 35.

Dihkki ja monit leat dábálaččat vuovttain gitta oaiveasi láhkka. Sáhttá leat váttis fuobmát dihkiid, muhto dihkkečohkumiin, dahje stuoridanlásiin manná bures. Doala vilges báhpira oaivve vuolde ja gálge dihkkečohkumiin. Jus mánás leat dihkit de dan fuobmá dáinna lágiin. Dákkár čohkuma oastá apotehkas. Doppe maiddai oažžu oastit reseaptakeahtes dálkasiid mii váldá eret dán soajehis divrri. Lea DEHÁLAŠ iskat olles oaivvi. Earenoamážit ferte geahččat bellje duohken ja mánáid niskkis.

ČOHKUN/GÁLGEN GÁVDNÁ JA DÁLKKODA:

Go atná dihkkedálkasiid ja dihkkečohkuma de beassá eret váttisvuođas. Go čohkku/gálge, de dat sáhttá dálkkodit du (go gálge,de váldá eret vejolaš dihkiid ja moniid). Ale fal vajálduhtte ahte sáhttet leat dihkit máŋga mánu iige mearkkaš ge dan, ja go manná nu guhká dihkiiguin ja ii ieš dan dieđe, de olle dihkki njoammut máŋgasiidda.

Go olbmos leat dihkit, dat ii mearkkaš ahte son lea čuorbi basadit ja ráinnasin doallat, muhto lea dehálaš dálkkodit mánáid geain leat dihkit. Jus gávnnat dihkiid dahje moniid, de lea dehálaš ahte váhnemat ovttas mánáiguin hupmet rahpasit dan birra, ja muitalit máná ja bearraša olbmáide ja earáide geat leat bearraša birra, nu ahte sii maiddai dihtet iskat. Mii ávžžuhit dan dihte maiddai váhnemiid dieđihit skuvlii ja mánáidgárdái, ja addit (luohkkái) ja skuvllii ja mánáidgárdái lobi muitalit eará váhnemiidda ahte muhtun mánáin luohkás(skuvllas)/mánáidgárddis leat dihkit.

Geahča fhi.no neahttasiiddus. Dain boahtá ovdan movt galgá iskat vuđolaččat, dihki birra diehtu ja movt dainna bihtit.

Dan dihte bivdit mii BUOT VÁHNEMIID iskat leat go mánáin dihkit.

Dearvuođat DEARVVAŠVUOĐADIVŠŠÁRIS.