Teamas leat guokte doaimma:
- Ráđđeaddi: Teama sáhttá addit ráđit anonymalaččat (makkar kártemit berre skuvla dahkat, berre go viidasit veahki ohccat, makkar bijut gávdnojit ja makkar bijuid berre skuvla čađahit). Dá lea ráđđeaddin anonymiserejuvvon mánaid ektui dahje obbalaš váttisvuođaid ektui mat skuvllas leat.
- Veahkki: Teama maid sáhta adnot dego “okta bidju” jus skuvla dieđiha máná teamai ja muhttun bargi(t) teamas čuvvot ášši, hutket bijuid, veahkkin čađahit ja eavaluerejit bijuid. Jus mánná galga dieđihuvvot teamai, de galga váhnen leat mielde dan barggus. Teama maid sáhta veahkkin dieđihit máná spesialistadearvvašvuođabálvalussi jus lea dárbu.
Manne fágarasttildeadji teama?
Fuomašit váttisvuođaid árrat skuvlamánáin nu ahte sáhta eastadit boastu ovdaneami. Buoridit siskaldas ovttasbarggu gaskal skuvllaid ja suohkana veahkkebálvalusaid
Movt barga teama?
Teama deaivvada okte mánnui juohke skuvllain suohkanis. Dain čoahkkinin mii earuhit čielgasit gaskal ráđđeaddidoaimma (ráđit anonymiserejuvvon mánáid ektui dahje obbalaš váttisvuođaid ektui) ja veahkkedoaimma gos mánná lea juo dieđihuvvon teamai. Váhnemat sáhttet maid ieža váldit oktavuođa teamain go čielggadit áššit skuvllas mat gusket sin mánáide.
Masa sáhtta teama atnit?
Digáštallat ovttaskaš ášši anonymalaččat (omd. Ii loavtte skuvllas, rievdan láhtten, spiehkaseadji ovdaneapmi, moraš, ii heivet iežas skuvlii, makkar bijuid heive bidjat jna). Digáštallat obbalaš váttisvuođaid/čuolmmaid skuvllas (omd. Givssideapmi, movt nannet mánáid iešdovddu jna).
Bovdet váhnemit mielde teamai digaštallat bijuid sin mánáid ektui, juogo ahte skuvla bovde váhnemit mielde, dahje váhemat ieža váldet teamain oktavuođa go hálidit fágaolbmuiguin humádit iežaset máná birrá.
Teama fállá maid oahpahusa/kurssaid skuvllabárgiide.
Geat barget teamas?
Teamas lea mánáidsuodjaluspedagoga/sosionoma, dearvvašvuođadivššar, earenoamašpedagoga ja psykologa, bargit geat barget dearvvašvuođabálvalusas, mánáidsuodjalusas, PPTas ja psykologbálvalusas Guovdageainnu suohkanis. Dat lea PPT gii koordinere teama skuvllaid ektui.