Fágarasttildeaddji joavku mánáidgárddiin

Fágarasttildeadji teama/joavku mánáidgárddiin lea dearvvašvuođafálaldat ovdaskuvlamánáide suohkanis gos jurddá lea veahkehit mánáidgárddit ja váhnemit nannet buori ovdaneami mánáin.

Teamas, joavkkus, leat guokte doaimma

  1. Ráđđeaddi: Teama sáhttá addit ráđit anonymalaččat (makkar kártemit berre mánáidgárdi dahkat, berre go viidasit veahki ohccat, makkar bijut gávdnojit ja makkar bijuid berre mánáidgárdi čađahit). Dá lea ráđđeaddin anonymiserejuvvon mánaid ektui dahje obbalaš váttisvuođaid ektui mat mánáidgárddis leat.
  2. Veahkki: Teama maid sáhta adnot dego “okta bidju” jus mánáidgárdi dieđiha máná teamai ja muhttun bargi(t) teamas čuvvot ášši, hutket bijuid, veahkkin čađahit ja eavaluerejit bijuid. Jus mánná galga dieđihuvvot teamai, de galga váhnen leat mielde dan barggus. Teama maid sáhta veahkkin dieđihit máná spesialistadearvvašvuođabálvalussi jus lea dárbu.

Manne fágarasttildeadji teama?

Fuomašit váttisvuođaid árrat ovdaskuvlamánáin nu ahte sáhta eastadit boastu ovdaneami. Buoridit siskaldas ovttasbarggu gaskal mánáidgárddit ja suohkana veahkkebálvalusaid

Movt barga teama?

Teama deaivvada okte mánnui juohke mánáidgárddiin suohkanis. Dain čoahkkinin mii earuhit čielgasit gaskal ráđđeaddidoaimma (ráđit anonymiserejuvvon mánáid ektui dahje obbalaš váttisvuođaid ektui) ja veahkkedoaimma gos mánná lea juo dieđihuvvon teamai. Váhnemat sáhttet maid ieža váldit oktavuođa teamain go čielggadit áššit mánáidgárddis mat gusket sin mánáide.

Masa sáhtta teama atnit?

Digáštallat ovttaskaš ášši anonymalaččat (omd. Ii loavtte mánáidgárddis, rievdan láhtten, spiehkaseadji ovdaneapmi, moraš, ii heivet iežas mánáidgárdai, makkar bijuid heive bidjat jna). Digáštallat obbalaš váttisvuođaid/čuolmmaid  mánáidgárddis (omd. Givssideapmi, movt nannet mánáid iešdovddu jna).

Bovdet váhnemit mielde teamai digaštallat bijuid sin mánáid ektui, juogo ahte mánáidgárdi bovde váhnemit mielde, dahje váhemat ieža váldet teamain  oktavuođa go hálidit fágaolbmuiguin humádit iežaset máná birrá.

Teama fállá maid oahpahusa/kurssaid mánáidgárddebárgiide.

Geat barget teamas?

Teamas lea mánáidsuodjaluspedagoga/sosionoma, dearvvašvuođadivššar, earenoamašpedagoga ja psykologa, bargit geat barget dearvvašvuođabálvalusas, mánáidsuodjalusas, PPTas ja psykologbálvalusas Guovdageainnu suohkanis. Teamajođiheadjit leaba psykologat Anne Lene Turi Dimpas (telefonnummar 930 95 123) ja Margrethe Bals Utsi (405 54 419).