Journálačállin, oaidninvuoigatvuohta ja journála sirdin

Dearvvašvuođastašuvdna galgá čállit journála dearvvašvuođadieđuin. Váldonjuolggadus lea ahte ovddasteddjiin lea vuoigatvuohta oaidnit buot dieđuid mánáid birra ja ahte journála galgá sirdojuvvot ođđa dearvvašvuođastašuvdnii dahje skuvladearvvašvuođabálvalussii go fárre.

Diehtu journálačállima birra

Dearvvašvuođastašuvdna galgá čállit journála dearvvašvuođadieđuin. Ásahuvvo journála buot mánáide geat ožžot konsultašuvdna- ja dearvvašvuođaiskkadeami fálaldaga dearvvašvuođastašuvnnas. Journála galgá veahkkin dasa ahte mánná oažžu fágalaš doallevaš čuovvoleami dan rájes go riegáda ja dassážii go geargá vuođđoskuvllas, 10. klássas. Journála lea báberhámis ja elektrovnnalaš hámis. Sisdoallu leat earret eará dieđut ja boahkuhanstáhtus, čállojuvvon dieđut dearvvašvuođaiskkademiin ja ságastallamiin, ja kopiijat reivviin ja epikriissain vrd. Forskrift om pasientjournal. Journálačállin dahkko dainna duogážiin mii dearvvašvuođabargiin lea geatnegasvuohta duođaštit, ja dainna duogážiin máid sii fágalaš doallevaš árvvoštallama vuođul oidnet dárbbašlažžan ja ávkkálažžan. Journála álgá vuosttažettiin duddjot kvalitehta ja kontinuitehta divššus nu ahte mánná oažžu buoremus vejolaš čuovvoleami dearvvašvuođastašuvnnas ja skuvladearvvašvuođabálvalusas.

Njuoratmánáagis ja smávvamánáagis ja nu guhká go lea lunddolaš, de leat ovddasteaddjit geat váldet vuhtii máná vuoigatvuođaid mat mánáin leat go lea dearvvašvuođastašuvnna geavaheaddjin.

Dát lea láhkavuođđuduvvon Pasient- og brukerrettighetsloven § 6-1: “Barn har rett til nødvendig helsehjelp også i form av helsekontroll i den kommunen barnet bor eller midlertidig oppholder seg, jf. Helse og omsorgsloven § 3-2. Foreldre plikter å medvirke til at barnet deltar i helsekontroll”.

Jus mánná ii boađe iskkadeapmái maŋŋel go goalmmát geardde lea gohččojuvvon. Vuorjašumidieđáhus boađusin go II boađe. Individuála árvvoštallama mielde, sáhttá dearvvašvuođabargi dieđihit váhnemiidda ahte sáhttá šaddat áigeguovdilin sáddet vuorjašumidieđáhusa mánáidsuodjalussii jus eai váldde ovddasvástádusa buktit máná iskkadeapmái. (manná vuorjašumidieđáhus mánáidsuodjalussii)

Oaidninvuoigatvuohta

Váldonjuolggadus lea ahte ovddasteddjiin lea vuoigatvuohta oaidnit buot dieđuid mánáid birra. Sis lea maid vuoigatvuohta oažžut máŋgosiid dáid dieđuin. Journála čáliheami/geahčadeami oktavuođas fállojuvvo logadallan fágaolbmuin fárrolaga. Pasieanttas (vejolaččat oapmahaččain) lea vuolggasadjin oaidninvuoigatvuohta čohkkejuvvon duođaštusain.

Lov om pasient- og brukerrettigheter.

Forskrift om pasientjournal.

Lov om helsepersonell

Dábálaččat galget nanu ákkat manne biehttalit oaidnima. Go mánná lea gaskal 12  ja 16 jagi ii galgga dieđuid addit váhnemiidda dahje earáide geain lea váhnenovddasvástádus go mánná, ákkaid vuođul máid berre atnit árvvus, ii hálit dan. Dieđut mat leat dárbbašlaččat deavdit váhnenovddasvástádusa, galget goitge addojuvvot váhnemiidda dahje earáide geain lea váhnenovddasvástádus go mánná lea vuollel 18 jagi vrd. Pasient og brukerrettighetsloven § 3-4.

Spiehkasteapmi dearvvašvuođabargiid geatnegasvuođas addit dieđuid váhnemiidda lea go máná vuhtiiváldin dihte bealušta ahte ii addit dieđuid. Dát sáhttá veahkehit mánáid ja nuoraid geat illá muitalit veahkaválddálašvuođa ja veahkaváldima birra. Dearvvašvuođabálvalus sáhttá válljet doallat dieđuid eret váhnemiin, beroškeahttá agi jus sii jurddašit ahte dasa lea ágga. Rievdadusat lágain ja láhkaásahusain 01.01.18 rájes (dearvvašvuođa- ja fuolahusdepartemeanta).

Journála sirdin

Váldonjuolggadus lea ahte journála galgá sirdojuvvot ođđa dearvvašvuođastašuvdnii dahje skuvladearvvašvuođabálvalussii go fárre. Dat lea dan dihte ahte galgá sihkkarastit fágalaš doallevaš čuovvoleami. Dieđit dearvvašvuođastašuvdnii go fárret. Mii sáddet dearvvašvuođakoartta ođđa dearvvašvuođastašuvdnii, nu ahte sii sáhttet čuovvolit máná viidásit. Leat go dis jearaldagat journála sirdima oktavuođas sáhttá dán váldit áššin dearvvašvuođastašuvnnain dahje skuvladearvvašvuođabálvalusain ovdal fárrema.