Lea go dus speallanváttisvuohta?
Váldde áinnas oktavuođa dearvvašvuođastašuvnnain dahje dearvvašvuođadivššáriin. Speallanváttut eai čuoza dušše dasa gii spealla, muhto olles bearrašii. Loga eanet speallanváttuid birra dahje iskka leat go dus váttisvuođat dihtorspeallamiin dahje ruhtaspeallamiin. Dáppe sáhtát maid oažžut veahki jus dus leat váttisvuohta ruhtaspeallamiin dahje dihtorspeallamiin.
Porno
Vaikko ii leat ahkemearri porno geahččat, de leat goitge ákkat manne galggašii jurdilit. Earret eará sáhttet du iežat rájit dan dáfus máid dohkkehat ja maid it dohkket, sirdojuvvot. Maid berrešii jurddašit? Go nuorat gehččet porno, sáhttá dat váikkuhit guottuide ja dahkat juoga du iežat rájiiguin, mii du mielas lea riekta ja mii ii leat. Sáhttá oažžut fámolaš muitogovaid máid ii leat doarvái rávásnuvvan nagodit gieđahallat. Buot máid oaidnit ja gullat váikkuha min, ja lea buorre ágga jurddašallat dan birra movt iešguhtetlágan porno geahččan váikkuha olbmui.
Porno gielasta
Porno hárve addá duohtavuođagova dábálaš anašeamis. Sáhttá maiddai oažžut ipmárdusa ahte dat man oaidná lea juoga man galgá geahččalit áđestallat go anáša, ja dat sáhttá sirdit rájiid das masa searvá dahje váldá earáid mielde.
Leat go pornoi darvánan?
Bijat go ollu áiggi geahččat porno? Lea go moarsi/irgi eddon? Háliidat baicca porno geahččat dan sadjái go anašit? Fertet go geahččat porno oaččut himuid loktanit? Dat sáhttá mearkkašit ahte leat darvánan.
Pornodarváneami sáhttá buohtastahttit eará darvánemiiguin, nu movt speallan ja gárrenmirkkut. Sáhttá leat álki duolbmat dahje šiitit váttisvuođaid, ja de lea váttis duođas miehtat ahte leat darvánan.
Eambbo áššis ung.no dahje geahčes dán filmma.
Geainna sáhtášit hupmat gárrendili birra?
Leat go jearaldagat gárrendili dahje fuolastuvat iežat dahje earáid gárrendili dáfus, sáhtát humadit nuoraid dearvvašvuođastašuvnnain. Sosiálaoahpaheddjiin/ráđđeaddin dahje dearvvašvuođadivššáriin skuvllas sáhttá maiddai humadit. Muitte ahte sihke dearvvašvuođastašuvnna bargiin ja sosiálaoahpaheaddjis lea jávohisvuođageasku.
Váhnemiid juhkandáhpi váikkuha
Mánáid ja nuoraid dilli váikkuhuvvo go váhnemat juhket beare ollu alkohola dahje geavahit eará gárrenmirkkuid. Váhnemat eai álo ipmir ahte dušše smávva rievdan sáhttá vásihuvvot balddihahttin ja heahpadin. Muhtin rávisolbmot šaddet earáláganat go leat váldán dušše ovtta láse vuollaga dahje viina, ja earát fas girdet ollu alkohola ja goitge ii šatta váivves ja eahpeoadjebas dilli sidjiide geat leat das.
Sáhttá lea váttis dutnje gii vásihat dán čilget earáide man balus ja eahpesihkar šattat go váhnemat leat gárrenmin.
Dáiguin maid sáhttá váldit oktavuođa, dal leat goit maid dieđut.