Nuoraid dearvvašvuođastašuvdna lea rabas ja mii bovdet njuoratmánnádeaivvadeapmai!

Nuoraid dearvvašvuođastašuvdna lea fas rabas nu mot dábálaččat, juohke disdaga, doavttir lea maid deaivamis de, eanet dieđut.
Mii bovdet maid njuoratmánnádeaivvadeapmai dás ovddasguvlui, dás oainnát goas ja go ja mii.

Denne artikkelen er over 1 år gammel og kan innehold utdatert informasjon

Seksuála veahkavádling ja veagalváldin

Mii lea seksuála veahkaváldin? Go bargá juoga seksuálalaččat muhtomiin gii dan ii hálit, de dat lea seksuála veahkaváldin. Seksuála veahkaváldin ja loavkašuhttimat lea lobiheapme.

Leat go vásihan veahkaváldima?

De lea dehálaš ahte ozat veahki. Ii leat fal álki muitalit dan birra, soaitá dan dihte go ii leat šat du hálddus de, it dieđe geasa dadjat ja movt dan dahkat ja mii de vel dáhpáhuvvá. Leat ollu báikkit mat sáhttet veahkehit. Leat go vásihan vuortnuheami neahtas? Jus muhtin oažžu du sáddet seksuáliserejuvvon govaid sosiála mediain ja de nihttá sáddet daid viidásit, de lea máilmme dehálaš ahte muitalat dan birra. Doppe leat ollugat geat sáhttet ja háliidit du veahkehit. Nuoraid dearvvašvuođastašuvnnas, dearvvašvuođadivššár skuvllas, oahpaheaddji, politiija, daiguin sáhtát humadit.

Veahkehit bures ja riekta

Jus mánát ja nuorat muitalit lobiheames áššiid birra, nu movt veahkaválddálašvuođa ja seksuála veahkaváldima birra, de lea dearvvašvuođadivššáris, oahpaheaddjis ja doaktáris geatnegasvuođa dieđihit dan birra. Dat mearkkaša ahte veahkehit du buori ja rievttes vuogi mielde, de fertejit muitalit earáide.

Veahkaválddalašvuohta ii leat dušše fysalaš

Lea dehálaš muitit ahte veahkaválddálašvuohta ii leat dušše fysalaš veahkaválddálašvuohta nu movt časkin ja čiekčan, muhto maiddai go vuortnuha, fámostallá ja bágge. Seksuála anašeapmi olbmuin gii oađđá dahje ii leat gozuid alde – ja dan dihte ii sáhte dadjat ahte ii hálit dahje vuostálastit, lea maiddai veagalváldin.

Oallugat sáhttet veahkehit

Sáhtát riŋget VO tlf 1100, mii lea veahkkedoaibma dutnje gii vásihat veahkáválddálašvuođa dahje veahkaváldima lagas oktavuođain. Mánáid ja nuoraid alarbmatelefovdna lea 116111, sii leat geargosat vástidit eanes áššiid oktvavuođas, lea nuvttá. Dáppe eanet dieđut sin birra.

Barnas jurist addá nuvttá riekteveahkki dutnje gii leat vuollel 25 jagi. Mánáid láhkačeahppi/mánáin ja nuorain leat vuoigatvuođat. Lea sidjiide geat vásihit áššiid ruovttus mii ii leat buorre o.m.d. vásihit iešguhtetlágan veahkaválddálašvuohta ja veahkaváldima.

Dáppe leat maid buorit dieđut dáid áššiid birra, mot bargat go dáhpahuvvojit áššit mat eai leat ok (dárogillii).