Nuoraid dearvvašvuođastašuvdna lea rabas, nu maid klamydia ieš iskkahan stašuvdna

Nuoraid dearvvašvuođa stašuvdna (disdagaid diibmu 14.30 – 16.30) ja “ieš iskkahan stašuvdna” (PDF, 157 kB) (klamydia) dearvvašvuođaguovddážis ja joatkkaskuvllas rahppasit fas vahkku 34 rájes. Fálaldagat čuovvot skuvlarukto. 

Prevenšuvdna

Kondoma? Veaikespirála? P-sággi? P-pillat? Heahteprevenšuvdna? P-riekkis?

Gávdnojit máŋga iešguhtet prevenšuvdnavuogit ja sáhttá leat váttis válljet. Mii bagadallat ja veahkehit nuoraid ja nissonolbmuid válljet rievttes prevenšuvnna ja čállit prevenšuvdnareseapttaid. Čujuhusain dás vuolabeale gávnnat dieđuid daid vugiid birra mat gávdnojit dál (goappašagat leat dárogillii).

 

Mii fállat maiddai bidjat ja váldit eret p-sákki ja spirála. Dál fállat nuvttá guhkesáiggidoaibmi prevenšuvnna LARC buot nissonolbmuide (p-sákki ja spirála)