Go čálašat dahje deaivvadat earáiguin neahtas, lea dehálaš ahte jurddašat movt earát ipmirdit dan man čálát ja barggat. Movt livččet vásihan lohkat dan máid ieš čálát? Livččet go liikon gullat dan maid čálát earáide neahtas? Dahje livčče go šaddan dutnje váivi?

Ale atte peršuvnnalaš dieđuid!

Muitte ahte neahtta lea rabas buohkaide. Jus čálašat muhtomiin gii bágge du addit iežat persovnnalaš dieđuid, dahje láhtte nu ahte it dovdda oadjebassan, de lea dehálaš botket oktavuođa ja muitalit váhnemiidda, oahpaheaddjái dahje eará rávisolbmui geasa luohtát.

Čuovo dán muitolisttu sudjet iežat ja iežat olbmáid neahtas!

• Sudje namat – ráhkat buddestatnama. Ale goassege atte iežat beassansáni geasage! Neahtas sáhttet buohkat lohkat dan máid bijat rábas siidduide. Dan dihte lea dehálaš ahte válddát atnui buddestatnama neahtas nu ahte beasat leat anonyma. Muitte goitge jurddahallat máid čálát, vaikko leat anonyma. Anonymitehta ii leat ággan čállit fasttes diŋggaide earáide neahtas.
• Leage várrogas addit earáide dieđuid du iežat birra. Ollu neahttasiiddut leat ráhkaduvvon dan dihte ahte deaivat olbmáid ja oahppásiid, iežat ahkásaččaid. Muhto muitte ahte dieđuid maid attát maiddai sáhttet earát lohkat jus neahttasiidu lea rabas.
• Jeara lobi earáin ovdal go almmuhat govaid. Norgga lágat gustojit maiddai mobiilaneahtas ja interneahtas. Dát lágat mearridit ovdamearkka dihte ahte it sáhte govvet earáid ja almmuhit neahtas, dahje sáddet mobiilla bokte jus it leat jearran lobi dain geat leat govas.
• Deaivvadit muhtomiin gean leat neahtas gávdnan? Ale vuolgge okto!
• Lea ge fal gáldokritihkalaš! Interneahtta lea demokráhtalaš, ja buohkat sáhttet almmuhit áššiid dohko. Jus ozat dieđuid ruovttubargguide dahje eará dehálaš dieđuid berret álo iskat gii leat neahttasiiddu ráhkadan.Buohtastahte dieđuid máid gávnnat eará neahttasiidduiguin, ja geahča leat go dieđut riekta.
• Jurdil guovtte geardde ovdal go vieččat nuvttá fiillaid ja sisdoalu
• Huma rávisolbmuin jus vásihat unohisvuođaid neahtas.

Dieđut lohkamis eará siidduin (dárogillii)

• Ung.no
• Medietilsynet
• Nettvett.no
• Redd Barna