Mobben

Máid barggat jus don dahje muhtin gean dovddat vásiha mobbejuvvot? Ja sáhttá go skuvla muitalit earáide jus don muitalat? Mii lea rievttimiel mobben?

Mobbema sáhttá defineret ná: «Negatiivvalaš dahje bahániehkkánis láhtten ovtta olbmos dahje eambbogiin, mii ii leat dušše oktii,ja mii lea njulgejuvvon muhtima vuosttá geas lea váttis iežas bealuštit. Vuogádatlaš olggušteapmi dahje unohas hárdin mii geardduhuvvo lea maiddai mobben». (Definišuvdna lea «Manifest mot mobbing» čállosis vižžon, lea dárogillii).

Mobbema dovdamearkkat

Dieinna duogážiin sáhttá lohkat ahte mobbemis leat golbma dehálaš dovdamearkka:

  • Oaguheapmi lea bahá ja deaivil.
  • Dat bistá.
  • Fápmooktavuođas ii leat balánsa, ii fysalaččat iige psyhkalaččat.

Lea dehálaš deattuhit ahte mobbenvásihus lea subjektiivvalaš, ja lea son gii dovdá mobbejuvvon geas lea váldi defineret dili. Dat mearkkaša ahte jus don dovddat ahte dat man vásihat lea mobben, de dat lea mobben.

Muital nu jođánit go sáhtát!

Bivdde beassat humadit gulahallaoahpahedjjiin, sosiálaoahpaheddjiin dahje ráđđeaddin dahje eará jođiheddjiiguin skuvllas. Skuvllas lea geatnegasvuohta du veahkehit. Áinnas humat dearvvašvuođadivššáriin. Huma iežat váhnemiiguin. Čále mii lea dáhpáhuvvan.

Ung.no čilgesta bures dán birra.