Njuoratmánnádeaivvadeapmi lea nuvttá fálaldat mánáide gaskal 0-1 jagi ja sin vánhemiidda/ovddasdeddjiide. Vuosttaš deaivvadeapmi lea 29.11. dii 10:00 Guovdageainnu girjerádjosis.

• Álggaheapmi: 29.11.23: dii. 10.00 – Diehtu, Dearvvašvuođadivššára bokte 
• 13.12.23: dii.10.00-12.00 - Mánáidlávlun, Guovdageainnu searvegoddekantuvra bokte 
• 03.01.24:  dii. 10.00-12.00 - Bátnedearvvašvuohta, Bátnedearvvašvuođabálvalusa bokte.
   

Ulbmil fálaldagain lea ráhkadit rabas ja fátmmasteaddji birrasa váhnemiidda ja mánáide. Váldofokus lea sosiála ovttastallan, stoahkan, aktivitehtat ja ásahit ođđa fierpmádagaid. Fátmmasteapmi ja integreren lea dehálaš.

Njuoratmánnádeaivvadeamit leat juohke gaskavahkku Guovdageainnu girjerádjosis gitta geassemánu rádjái. Organiserejuvvo mánáidlávlun oktii mánus ja fáddá oktii mánus. 

Mánáiddeaivvadeami lagida Guovdageainnu Dearvvašvuođastašuvdna ovttas girjerádjosiin ja searvegoddekantuvrrain. Eanet dieđut ja vejolaš rievdadusat almmuhuvvojit Guovdageainnu suohkana neahttasiiddus, dearvvas.no neahttasiiddus ja Guovdageainnu diehtobálvalusas Facebookas.

Gos: Guovdageainnu girjerádjosis, kulturviesus 
Goas: Juohke gaskavahku dii. 10.00-12.00

Váldde áinnas mielde biepmu/juhkamuša/snoahpamuša! 

Dá dieđut pdf čállosis. (PDF, 223 kB)