Mánát 0-5 jagi

Buot mánát gaskal 0-5 jagi berrejit oažžut fálaldaga dássedis konsultašuvnnaid dáfus. Bálvalus lea vuosttašceahkkefálaldat ja nuvttá fálaldat. 

Dearvvašvuođastašuvnna fálaldat bearrašiidda njuoratmánáiguin ja smávvamánáiguin.

Dearvvašvuođa- ja fuolahuslága mielde galgá juohke suohkan vuhtiiváldit dearvvašvuođastašuvnnadoaimma oassin dan ollislaš suohkandearvvašvuođabálvalusas. Váhnemiid geatnegasvuohta lea váikkuhit dasa ahte mánná searvá dearvvašvuođaiskkademiin. Mánáin lea vuoigatvuohta dárbbašlaš dearvvašvuođaveahki oažžut, maiddai dearvvašvuođaiskkademiid bokte. Dát lea láhkamearriduvvon Pasieanta- ja geavaheaddjivuoigatvuohtalágas § 6 -1 : “Barn har rett til nødvendig helsehjelp også i form av helsekontroll i den kommunen barnet bor eller midlertidig oppholder seg, jf. helse- og omsorgstjenesteloven § 3-2. Foreldrene plikter å medvirke til at barnet deltar i helsekontroll”.

Oktavuohta vuogadat

Bearrašat njuoratmánáiguin ožžot fálaldaga ahte jortamovra/dearvvašvuođadivššár boahtá ruoktot maŋŋel go bearaš lea ollen ruoktot buohcciviesus. Go leat riegádahttán dahje adopteren máná, váldá dearvvašvuođastašuvdna duinna oktavuođa ja soahpá áiggi goas finadit din luhtte. Oktavuohta ásahuvvo dan vuođul go riegádahttinbáiki rutiinna mielde dieđiha riegádahttima birra dearvvašvuođastašuvdnii. Bearrašat geat aitto leat fárren deiken ávžžuhuvvojit váldit oktavuođa dearvvašvuođastašuvnnain.

Máŋgga bealát veahkki

Dearvvašvuođastašuvdna fállá plánejuvvon prográmma dearvvašvuođadieđuid, bagadallama, dearvvašvuođaiskkadeami ja boahkuhemiid váste. Dearvvašvuođastašuvdna galgá leat mielde eastadeame dávddaid ja ovddidit buori fysalaš ja psykalaš dearvvašvuođa šaddi váhnemiin ja mánáin. Go lea oktavuohta bearrašiiguin ja mánáiguin de sihkkarastá bálvalus ahte olles álbmot oažžut fálaldaga boahkuid ja dearvvašvuođaiskkademiid váldit, ja dieđuid dan birra movt eastadit dávddaid ja vahágiid, ja doarjaga birget ja ovdánit positiivvalaččat. Dasa lassin sáhttá earret plánejuvvon prográmma dahkat konsultašuvnnaid go váhnemat/ovddasteaddjit ieža váldet oktavuođa. Buot konsultašuvnnain dearvvašvuođastašuvnnas árvvoštallat máná deattu, ovdáneami ja čálggu. Muhtomat ožžot fálaldaga individuála čuovvoleami earret prográmma.

Mihttu dearvvašvuođastašuvnnaprográmmain:

  • Ahte váhnemat/ovddasteaddjit vásihit birgema váhnen (fuolaheaddji) rollas
  • Lea mielde duddjome buori ovttasdoaibmama gaskal váhnemiid/ovddasteddjiid ja mánáid
  • Ovddidit buori fysalaš, psykalaš ja sosiála ovdáneami njuoratmánáin ja smávvamánáin
  • Ásahit buriid eallin- ja boradandábiid
  • (Árrat) gávdnat fysalaš ja psykalaš ovdánanerohusaid
  • Searvat dasa ahte mánát ožžot čuovvoleami ja čujuhuvvojit viidásit dárbbu mielde
  • Eastadit, bissehit ja fuomášit veahkaválddálašvuođa, veahkaváldima ja fuolahusváilli