Nuoraid dearvvašvuođastašuvdna lea rabas ja mii bovdet njuoratmánnádeaivvadeapmai!

Nuoraid dearvvašvuođastašuvdna lea fas rabas nu mot dábálaččat, juohke disdaga, doavttir lea maid deaivamis de, eanet dieđut.
Mii bovdet maid njuoratmánnádeaivvadeapmai dás ovddasguvlui, dás oainnát goas ja go ja mii.

Denne artikkelen er over 1 år gammel og kan innehold utdatert informasjon

Boahkut

Dearvvašvuođastašuvdna fállá ávžžuhuvvon boahkuid ja biddjojuvvojit mearriduvvon dearvvašvuođaiskkademiid oktavuođas.

Dearvvašvuođastašuvdna fálla daid boahkuid mat leat mielde álbmotdearvvašvuođainstituhta mánáidboahkuhanprográmmas. Boahkuid bidjat daid mearriduvvin dearvvašvuođaiskkademiid oktavuođas. Geahča Rutiidnasaš dearvvašvuođaiskkadeamit 0-5 jahkásaččaide Guovdageainnu suohkana dearvvašvuođastašuvnnas.

Boahkuheapmi lea dehálaš

Earret dan ahte hehttet mánáid oažžumis várálaš njoammudávddaid, lea buorre boahkuhangeavaheapmi dehálaš gearggusvuođa oktavuođas. Várálaš njoammudávddat mat hárve ilbmet Norggas, ilbmet dávjjibut ollu eará riikain. Go eambbo mátkkoštit leat vejolašvuođat stuoribut ahte mánát Norggas ožžot njoammudávddaid ruovtturiikas dahje olgoriikas. Boahkuheapmi addá mánáide buori suodjaleami.

Skuvlaagi mielde fállojuvvo mánáide ođasmahttindosa boahkuide máid leat smávvamánnáagis ožžon. Boahkut addojuvvojit dan boahkuhanprográmma mielde mii áiggis áigái gusto ja mi boahtá Stáhta dearvvašvuođabearráigeahčus. FUOM: Buot boahkuheapmi dahkko váhnemiid/ovddasteddjiid mieđiheami mielde.

Našunála boahkunregisttar SYSVAK

Buot buohkut maid mánná oažžu mánáidboahkuhanprográmma bokte, registrerejuvvojit deike. Ulbmil SYSVAK:in lea doallat baijlgova ovttaskas olbmo boahkuhanstáhtusis, ja čuovvut mielde man ollugat leat boahkuhuvvon miehtá riika. II LEAT vejolašvuohta hilgut boahkuhemiid registrerema.  

Sáhttá ohcat iežas ja mánáidis boahkuhanstáhtusa go manná neahttasiidui helsenorge.no, minevaksiner.no

Dieđut (dárogillii)