Nuoraid dearvvašvuođastašuvdna lea rabas ja mii bovdet njuoratmánnádeaivvadeapmai!

Nuoraid dearvvašvuođastašuvdna lea fas rabas nu mot dábálaččat, juohke disdaga, doavttir lea maid deaivamis de, eanet dieđut.
Mii bovdet maid njuoratmánnádeaivvadeapmai dás ovddasguvlui, dás oainnát goas ja go ja mii.

Oktavuohta doaktáriin/jortamovrrain

Dábálaš áhpehisvuohta bistá 40 vahku + 2 beaivvi, rehkenasto maŋemus mánnodávddaid rájes.  Sii geat leat čađahan ultrajietnaiskkadeami, sidjiide gusto termiidnadáhton mii dan iskkadeamis lea mearriduvvon.

Áhpehisvuođaiskkadeamit lea ovttasbargu gaskal jortamovrra ja fástadoaktára. Guovdageainnu suohkanis leat juogadan dábálaš áhpehisvuođa deaivvademiid doaktáriin/jortamovrran dán láhkái:

  • Vahkku 8-12 fástadoavttir dahje jortamovra
  • Vahkku 11-14 fálaldat buohkaide árrat ultrajietnaiskkadeami fálaldat 
    • jus indukšuvdna, maiddái varraiskkus, NIP-teasta
  • Vahkku 16-20 jortamovra
  • Vahkku 17-19 ultrajietnaiskkadeami fálaldat
  • Vahkku 24 jortamovra
  • Vahkku 28 doavttir
  • Vahkku 32 jortamovra
  • Vahkku 36 doavttir
  • Vahkku 38 jortamovra
  • Vahkku 40 jortamovra
  • Vahkku 41 gynekologa – badjeláiggiárvvoštallan

Lassi iskkadeamit dárbbu mielde

Dárbbu mielde lágidit lassi iskkademiid jortamovrra ja doaktára luhtte ja erenoamaš dilálašvuođain spesialistadearvvašvuođabálvalusa luhtte. Jus váccát badjeláiggi vahkkui 41, de sáddejuvvot Hammerfestii gynekologa luhtte váldit iskkadeami.

Muitte: Iđđescissaiskkosa ja dearvvašvuođakoartta juohke konsultašuvdnii!